لما الدكتور يقول..

[أم البنات]

لما الدكتور يقول الموضوع ده ما يستناش لازم نتصرف فيه فورا
يبقى قصده لازم نلحق نعمل عليك شغل لأن لو استنينا هو هيخف لوحده وتضيع علينا الفرصه

لما الدكتور يقول ايه تاريخك المرضى؟
يبقى قصده عايز لأعرف أسامى الدكاترة اللى كنت بتتعمل معاهم علشان أعرف انت دفيع ولا.....!!


لما الدكتور يقول استعمل الدواء ده وعدى عليا بعد بكرة
يبقى قصده ده دواء لا بينفع ولا يضر تعالى لى بعد يومين أكون سألت حد بيفهم

لما الدكتور يقول أشوفك بعد عشرة ايام
يبقي قصده علشان تدفع كشف جديد انت مش قرأت اليافطة وانت داخل مكتوب ليها
"الاستشارة فى خلال أسبوع من الكشف"!!

لما الدكتور يقول فى عندى خبر وحش وخبر كويس:
عندك مرض خطير بس لو مضيعناش وقت ممكن نعالجه
يبقى قصده الخبر الكويس انى أخيرا هشترى عربية مرسيدس والخبر الوحش انك هتدفع تمنها

لما الدكتور يقول احنا هنتابع تطورات الحاله أسبوع كمان قبل ما نقدم على أى اجراء
يبقى قصده الصبر طيب يمكن البلوة دى تتحول لحاجة نعرف لها علاج

لما الدكتور يقول انت محتاج تعمل شوية تحاليل
يبقى قصده من الآخر أنا مش عارف انت عندك ايه يمكن الواد بتاع المعمل يعرف ينورنى

لما الدكتور يقول اعمل التحاليل فى المعمل ده أنا بثق في النتائج بتاعتهم
يبقى قصده بيدفعولى عمولة 40% من تمن التحاليل

لما الدكتور يقول أنا هحولك على أخصائى يشوف حالتك أحسن منى
يبقى قصده انت صحتك زى الفل بس الراجل ده مزنوق فى قرشين وواجب ننفعه(صاحبي بقي)
لما الدكتور يقول أنا هوصفلك دواء جديد ممتاز
يبقى قصده هجرب فيك الدواء ده أنا محتاج حالات أعمل عليها البحث بتاع الترقية

لما الدكتور يقول صحتك زى الفل
يبقى قصده حاجة تزعل فعلا يعنى هدفع القسط بتاع الفيللا منين ياربى

لما الدكتور يقول اذا الأعراض دى ما اختفتش خلال اسبوع عدى عليا تانى
يبقى قصده الحالة بتاعتك مقرفة قوى لحسن الحظ أنا الأسبوع الجاى فى مؤتمر برة(وخليك معايا شويه لغايه لما ادفع القسط)

لما الدكتور يقول المضاد الحيوى ده ممتاز جدا مع انه غالى شوية سيبك من البديل الرخيص بتاع زمان بقى غير فعال
يبقى قصده مندوب المبيعات بتاع الشركة لسة خارج من عندى ومدينى شنطة دعاية جلد تجنن

لما الدكتور يقولك حمدالله علي السلامه انت خفيت
يبقي قصده يقولك كفايه كده انا عارف انك خلاص فلست ومعكش تدفع تاني


من بريدي

تعليق: مسكين الدكتور مش قادر ينطق بولا كلمة!!

[خادمة الدين]

ههههههههه

حلو ذي

ان شاء الله استفيد منها بالمواعيد

الله يجزاك خير

[التواقة إلى الله]

جزاك الله كل خير أخيتي أم البنات

[بني وليد]

السلام عليكم ورحمة الله وبركاته
اللهم صل على محمد وعلى آله وصحبه أجمعين

ههههههههههههههههههه

أضححك الله سنك

بارك الله فيك :sunglasse

[وفاء الحبال]

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
اضحك الله سنك هههههههههههههههههههhttp://www.stop55.com/smiles/up/smile2%20(2).gif
بوركتى يام البناتhttp://www.alamuae.com/gallery/data/media/123/0163.gif

[لحظة أمل]

السلام عليكم ورحمة الله وبركاته
بارك الله فيكي غاليتي
http://up3.m5zn.com/9bjndthcm6y53q1w0kvpz47xgs82rf/2009/6/25/11/v4bx458qh.gif (http://www.m5zn.com)
جزيتي الجنة إن شاء الله

[سبل السلام]

أضحك الله سنك غاليتي أم البنات

الله يعينا على الدكاترة ويكفينا شر المرض