مشاهدة النسخة كاملة : حملة هنتغير بجد
صدى العمر
08-13-2010, 06:03 AM
السلام عليكم ورحمة الله وبركاته
أخواتى الفضليات يسعدنى الانضمام الى منتدى كهذا
ويشرفنى أيضا أن أنقل لكم حملة (هنتغير بجد) حيث كنت قرأتها فى منتدى آخر وأود أن أضعها بين
أيديكم للعلم والإفاده بإذن الله
حملـــــة
هنتغير بجــد
هدفها من اسمها هنتغير بجد
سياستها تحبيب الشباب فى الاسلام
شعارها هندخل الجنة سوا
ستتكون الحملة من حلقات كتير
وكل حلقة لها اسم
وكل اسم بتدور حوله الحلقه
وكل حلقة عباره عن حوار بين اتنين
+الاول وهو اللى هيغيرنا بجد
=والتانى وهوالفتاه
يعنى انا وانت
وياريت نطبق الكلام ده بجد
علشان نتغير بجد
ونفرح نبينا
وندخل الجنة سوا
ومهما تكون ذنوبك
ومعاصيك
و بعدك عن ربك
معانا
كلنا هنقرب اوى من ربنا
بس
خليك معانا
يلا بينا
تابعوناااااااااا
مستنيه رأيكم الأول علشان نبتدى:(317):
أم كـــــرم
08-13-2010, 07:29 AM
وعليكم السلام ورحمة الله وبركاته
حياااك الله اختنا صدي العمر
كم أسعدنا تواجدك معنا في ركب الدعوه بمنتدى الأخوات
ما شاء الله عليكِ بدايه موفقه لكِ معنا
أكيد كلنا يتمنى أن يتغير للأفضل
موفقه بأذن الله
متابعين معكِ
صدى العمر
08-13-2010, 07:35 AM
حياكِ الله عزيزتى *أم كرم*
فحقا قد شرفت بإنضمامى بينكم
ننتظر باقى الأخوات ....
نور التقى
08-14-2010, 02:09 AM
السلام عليكم ورحمة الله وبركاته
انا معاكم وانا كان نفسى فى حاجه زى كده من زمان
جزاكم الله خيراً
صدى العمر
08-14-2010, 08:41 PM
السلام عليكم ورحمة الله وبركاته
انا معاكم وانا كان نفسى فى حاجه زى كده من زمان
جزاكم الله خيراً
وعليكم السلام اختى *نور التقى*
وان شاء الله معا فى جنة الفردوس الأعلى
صدى العمر
08-14-2010, 08:46 PM
طيب ياله نبدأ مع بعض
الحلقه الاولى
السلام عليكم
وعليكم السلام
عامله ايه ؟
تمام
ومع ربك عامله ايه؟
زى اى وحدة بعيدة عن ربها
وكل فين وفين لما اركع ركعة
و باستخدم بصرى فى الحرام
وبعق ابوى وامى
و..و..و..
طيب وانتِ ايه اللى بعدك عن ربنا؟
لان اى واحد يقولى لازم علاقتك
مع ربنا تكون 10من10
او0من10
يعنى ايه؟
يعنى معظم الناس متبعه قاعدة
(الحلال الخنيق والحرام الفاجر)
يعنى يأما يمين خالص
يأما شمال خالص
مفيش حد ماشى فى النص
بس منحاز لليمين شويه
وانتِ عجبك حالك مع ربنا ؟
طبعا لا بس اعمل ايه
وبعدين استحاله ربنا يغفرلى
ذنوبى دي انا عملت ذنوب
ماحدش عملها فى العالم
وعملت كبائر كتييير و..و..
تعرفِ انك كده قانطة من رحمة الله
القنوط من رحمة الله ده كفر
طب اعمل ايه؟؟!
انتِ مصدقه ربنا فى كل كلامه ..
طبعا من غير تفكير
ممكن تسمعِى الآيه دى
اتفضلِى ..
قال الله عز وجل
{قُلْ يَا عِبَادِيَ الَّذِينَأَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّاللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ }الزمر53
انتى مش حاسه ان الآيه دى
بتكلمك انتي
حاسه
خلاص انتي لسه مش متأكده
ان ربنا هيغفرلك
ويمسحلك ذنوبك
ويعتقك من النار
انا ما قلتلكيش كده
امال ايه؟
انا قصدى من السهل ان اعمل اى عمل وربنا يمسح كل ذنوبى
انتي ماتعرفيش مين هو الله
انا عارفه
ماتعرفيش ان ربنا
كريم
ورحيم
وعظيم
ولما يغفركل ذنوب العالم
مش هينقص من ملكه شئ
عارفه والله
امال مستنيه ايه
طب تخيلي معايا المشهد ده
لو قلت
اللى عاوز ربنا يغفرله
يرفع ايده
الناس هتنقسم ل3 انواع
النوع الاول
هيرفع ايده من غير ما يفكر
النوع التانى
هيرفع ايده وهو بيقول
انا هعصى ربنا تانى بس
اهو تقل ذنوبى
والنوع التالت
بيقول حتى لو ربنا مسح ذنوبى
هعصى ربنا تانى
انا كده كسبت ايه
____________
قصدك ايه من المثال ده
قصدى خليكِ ذكيه و ثقِ فى الله
وتأكدي انه مش هيرفضك
بس ارفعي ايدك بجد
سيب الباقى على ربنا
والله انتي غيرتي تفكيرى
خالص
قولى بقى ازاى ربنا يغفر لى كل
ذنوبى
ده اللى هتعرفه فى الحلقه التانية بأذن الله
اهم حاجه
تيقنِ نفسيا ان ربنا هيغفرلك
ولا يبالى
يلا سلام
قولي السلام عليكم احسن
انتِ صح
السلام عليكم
وعليكم السلام ورحمة الله وبركاته
الى اللقاء فى الحلقة التانيه
مع
حملة
(هنتغير بجد)
تابعوناااااااااااااا