صور لبسبوسة من صنعي .... اعطوني ارائكم

[المحبه لرسول لله]

السلام عليكم ورحمة الله وبركاته

هاي صور لبسبوسة انا عملتها وهالمرة معزوم عليها كل اعضاء المنتدى

ارجو ان تنال اعجابكم
اترككم مع الصور (وصحتين وعافية )

[صمتي حكمتي]

واو روعه تسلم يدينك ويعطيييييييك الف عافيه

[المحبه لرسول لله]

هلا وغلا والله ومرحبتين اكلتي قطعة وحدى من حقك والباقي لاعضاء المنتدى الباقيين وبالهناء والشفاء ومشكورة على مرورك الكريم هههههههههههههههههههه

[محبة الشهادة]

ما شاء الله عليكى

روعه بس لو انه مش صورة كان اكلتها كلها

[المحبه لرسول لله]

صحتين وهنا حبيبتي ومشكورة على مرورك الذي عطر البسبوسة بالفل والياسمين

[أم شادي]

السلام عليكم ورحمة الله وبركاته

يااااااااااااااالله يا ام عمر لازم ذكرينا بايامك وايام البسبوسه


حرام عليكي فتحتي نفسي عليها .....

فعلا اخواتي ولا اروع من البسبوسه الي بتعملها ام عمر طيبة فوق ما تتصورو

واحنا هلا بانتظار رجعتك على شان نوكلها من تحت ايديكي يا غالية

[بنت مهمه]

السلام عليكم ورحمة الله وبركاته
يا الله شكلها بتشهي حرااااااااااااام عليكي فتحتي نفسنا عليها
يا ستي صحتين وعافيه على قلبك

[المحبه لرسول لله]

تسلمي حبيبتي واختي ام شادي والله وانا كمان اشتقت الك ولاكلاتك الطيبة بعض ما لديكم حبيبتي وعد اذا كتب النا المولى ونلتقي مرة ثانية راح اعملك احلى منها بالف مرة
انت كمان اختي بنت مهمة شكرا الك على مرورك الرائع الي والله باعتز فيه وبفرحني

[زهـرةالنـدى]

ماشاءلله عليكي اختي محبة الرسول تسلم الايادي انا كنت ابقى اكل بس خفت قلت حرام يمكن هذي البسبوسه مسويتها لظيوفها وبعدين مبقيت اكلف عليكي
تطبخي مره تاني


الله يسعدقلبك ياغاليه

[المحبه لرسول لله]

مشكورة اخيتي زهرة الندى فداكي البسبوسة وصاحبتها كلي قد ما بدك فيها الهنا والعافيةسعدت لمرورك الرائع

[الجوهرةالمصونة]

يسلموووووووووووووووووو

[baum]

بتجنن انا بموت بالبسبوسة بارك الله فيكي

[(فجر الاسلام )]

بارك الله فيكي اختي المحبه لرسول الله
ما شاء الله شكلها بتشهي بس يا ريت تكملي معروفك وتقوليلنا كيف عملتيها عشان نعملها احنا كمان
تسلم الايادي

[المحبه لرسول لله]

اوك اخيتي فجر الاسلام المقادير:_
2 كاسة سميد ناعم
اكاسة جوز الهند
بيضة واحدة
نصف كاسة سكر
علبة قشطة
نصف كاسة زبدة مذابة __ معلقة كبيرة ممسوحة باكنج باودر
للعلم الكاسة الي بتستخدميها في مقياس السميد نفس الكاسة الي لباقي المقادير بتستخدميها
الطريقة نضع السميد والسكر وجوز الهند والباكنج بادودر ونحركهما معا
بعدين نضيف الزبدة المذابة ونحرك ومن ثم نضيف البيضة وايضا علبة القشطة ونحرك المزيج باطراف الاصابع يعني ما تعجني كثير برواء وعلى مهل

وبعدين افضل شي صينية تيفال بندهن شوية زيت ونضع العجينة وبنفردها بملعقة ومن ثم بنقطعها بسكينة ونضيف الوزا و الفستق الحلبي على الشرحات المقطعة
ومن ثم ونضعها بالفرن لمدة 20 دقيقة من الاسفل وعندما تشاهدين ان الاطراف قد احمرت انقليها الى فوق وحمري الوجة مدة 5 دقائق
وطبعا نضيف القطر اكيد الكل بعرف كيف بسوى ولا يا الله بعينه الله بنحكي للي ما عم بيعرف كاستين سكر +كاسة ماء طبعا كاسة كبيرة ومعلقة صغيرة جدا ليمون و3 نقاط فانيلا
وووووووووصحتين ووووووووووووووووعافية